Bəzən sadə bir internet ünvanı ağlınıza belə gəlməyəcək möhtəşəm məbləğlərə satıla bilər! Bu yazımızda sizə dünyanın ən bahalı alan adları (domain-ləri) haqqında maraqlı məlumatlar təqdim edirik. Elə qiymətlər var ki, oxuyanda ağzınız açıq qalacaq!
İnternetin əsas dayaqlarından biri olan alan adları, bu gün demək olar ki, rəqəmsal dünyanın kimlik kartıdır. Sadə dillə desək, bir veb saytın internetdəki adı və ünvanıdır. Məsələn, “webtekno.com” bir domain adıdır.
Əlbəttə, bu adlara sahib olmaq üçün onları satın almaq lazımdır. İnsanların çoxu alan adı almağı düşündükdə, 5-10 manatlıq qiymətlər ağlına gəlir. Amma vəziyyət həmişə belə deyil…
Elə domain-lər var ki, onların qiyməti milyonlarla dollara qədər qalxır! Bəs ən bahalı domain adları hansılardır? Aşağıda sizə ən yüksək məbləğə satılmış domain-lərin siyahısını təqdim edirik. Oxuyanda özünüz deyəcəksiniz:
“Ay aman, bu adlara nə pullar veriblərmiş!”
Ən bahalı alan adları (domain’lər)
- Cars.com – 872 milyon dolar
- Business.com – 350 milyon dolar
- LasVegas.com – 90 milyon dolar
- CarInsurance.com – 49,7 milyon dolar
- Insurance.com – 35,6 milyon dolar
- VacationRentals.com – 35 milyon dolar
- PrivateJet.com – 30,18 milyon dolar
- Voice.com – 30 milyon dolar
- Internet.com – 18 milyon dolar
- 360.com – 17 milyon dolar
10. 360.com – 17 milyon dolar
İndi Çin saytı kimi fəaliyyət göstərən 360.com vaxtilə ağlasığmaz qiymətə – 17 milyon dollara satılıb! Niyə bu qədər baha idi? Çünki sayta girən-çıxan adam çox idi – trafik deyirlər buna. Sayt təkcə alış-veriş yox, başqa onlayn xidmətlərlə də məşğuldur. Bir sözlə, internetdə axtardığın bir çox şeyi orda tapmaq olur.
9. Internet.com – 18 milyon dolar
Siyahıda 9-cu yerdə adı birbaşa “internet” olan Internet.com var. Bu sayt 2009-cu ildə 18 milyon dollara satılıb! Belə məşhur bir adın bu qədər baha olması təəccüblü də deyil əslində. Saytın sahibi isə domen alıb-satan, ABŞ-da yerləşən QuinStreet Inc. adlı bir firmadır. Bir sözlə, vaxtında alan udub!
8. Voice.com – 30 milyon dolar
2019-cu ildə Block.one adlı blokçeyn şirkəti Voice.com domenini düz 30 milyon dollara alıb! Bəli, təkcə bir domen üçün! Bu adı isə özlərinin səsli söhbət platforması üçün seçiblər. Bir sözlə, “səs” mövzulu platforma quracaqdılar, adını da “Voice.com” kimi qəşəng və yadda qalan bir şey etmək istədilər – və pul töküb aldılar!
7. PrivateJet.com – 30,18 milyon dolar
Siyahının 7-ci yerində PrivateJet.com var – adından da göründüyü kimi, şəxsi təyyarələr üçün saytdır. Bu domeni Nations Luxury Transportation adlı bir lüks nəqliyyat şirkəti alıb. Qiyməti isə az deyil – 30.18 milyon dollara başa gəlib! Saytda varlı müştərilər üçün şəxsi jet xidmətləri təklif olunur. Bir sözlə, “uçmaq istəyirsənsə, burdan başla” deyirlər!
6. VacationRentals.com – 35 milyon dolar
VacationRentals.com saytı düz 35 milyon dollara satılıb – elə-belə yox, adamın ağzı açıq qalır! Sayt indi HomeAway Inc. adlı şirkətə məxsusdur və əsas işi tətil üçün ev, villa və s. bron etməkdir. Yəni harasa istirahətə getmək istəyirsənsə, bu saytdan rahatlıqla yer tapa bilərsən. Adı da işinə tam uyğundur – ona görə bu qədər bahalı olması heç də təəccüblü deyil!
5. Insurance.com – 35,6 milyon dolar
“Sığorta” mənasını verən Insurance.com domeni düz 35.6 milyon dollara satılıb. Domeni alan da tanış ad – QuinStreet Inc., yəni domen alıb-satma işində ad çıxarmış bir ABŞ şirkəti. Sayt əsasən sığorta və maliyyə xidmətləri ilə bağlı idi. Amma maraqlısı budur ki, indi sayta girməyə çalışanda açılmır. Nə bağlandığı, nə də niyə işləmədiyi barədə rəsmi bir məlumat yoxdur. Amma baxmayaraq ki, indi aktiv deyil – yenə də dünyanın ən baha domen adlarından biri kimi siyahıdakı yerini qoruyur. Bir növ “domenin adıdır, özü yoxdur” vəziyyəti!
4. CarInsurance.com – 49,7 milyon dolar
Bir vaxtlar “ən bahalı domen” titulu daşıyan CarInsurance.com düz 49.7 milyon dollara satılıb – təsəvvür elə, təkcə domen üçün! Sayt avtomobil sığortası mövzusuna həsr olunmuşdu və sahibi də artıq tanıdığımız QuinStreet Inc. şirkətidir. Amma maraqlısı budur ki, bu sayta da daxil olmağa çalışanda heç nə açılmır. Niyə işləmədiyi barədə bir açıqlama da yoxdur. Yəni indi fəaliyyətdə olmasa da, bu qiymətə görə hələ də “ən bahalı domenlər” siyahısında baş sıralarda yerini qoruyur. Açıq desək – ad qalıb, özü itib!
3. LasVegas.com – 90 milyon dolar
Siyahının 3-cü yerində isə adı birbaşa Las Vegas olan domen var – LasVegas.com. Qiymətinə baxanda adamın başı gicəllənir: 90 milyon dollar! Bu saytda Las Vegasla bağlı hər şey var – otellər, turlar, konsertlər, festivallar, əyləncə yerləri, nə istəyirsən! Həm məlumat toplaya bilərsən, həm də yer ayırdıb, elə ordan plan qurub gedə bilərsən. Adı da, içindəki məzmunu da tam yerində – Las Vegas ruhunu internetə köçürüblər bir növ!
2. Business.com – 350 milyon dolar
Siyahının ən zirvəsində yer alan iki domen var ki, qiymətləri adamı heyrətə gətirir. Onlardan biri business.com – düz 350 milyon dollara satılıb! Bu domen 2007-ci ildə RH Donnelley adlı şirkətə keçmişdi. Sonra illər ərzində sahibi dəyişdi və 2016-dan etibarən indi Purch Group adlı şirkət idarə edir. İş dünyasına yönəlmiş bir sayt olduğuna görə bu qiymət heç də təsadüfi deyil, iş adamları üçün “qızıl bilet” kimi bir domen sayılır!
1. Cars.com – 872 milyon dolar
Siyahının ən üstündə duran domen isə hər kəsi şoka salacaq qədər bahadır – Cars.com! Bu domen düz 872 milyon dollara satılıb! Düşün, təkcə bir domen üçün! 2014-cü ildə Gannet.Co bu qiyməti verib alıb. ABŞ-da avtomobil alqı-satqısında ən böyük saytlardan biri olan Cars.com sadəcə maşın almaq-satmaq üçün ən gözəl platformalardan biridir. Yəni avtomobil alverində bu domenə görə adamlar çox pul xərcləyir – “ad qızıldır” deyirlər buna!
About The Author
