Samsung Galaxy Watch 8 Seriyası Gəlir!:Dizayn, Xüsusiyyətlər və Təxmini Qiymətlər

Samsung-un yeni nəsil ağıllı saat seriyası – Galaxy Watch 8, Watch 8 Classic və Watch 8 Ultra (2025) – yaxın günlərdə rəsmi olaraq təqdim ediləcək. Bu modellərlə bağlı sızan məlumatlar dizayn və texniki xüsusiyyətlər baxımından maraq doğurur.

📅 Təqdimat Tarixi

Samsung-un böyük Galaxy Unpacked tədbiri 9 iyul tarixində keçiriləcək. Bu tədbirdə Galaxy Z Fold 7, Galaxy Z Flip 7 və yeni Galaxy Watch 8 seriyası təqdim olunacaq.

Yeni seriyada performans, davamlılıq və istifadəçi təcrübəsi ön planda tutulub. Xüsusilə Galaxy Watch Ultra (2025) modeli ekstrem idman və açıq hava (outdoor) fəaliyyətləri üçün nəzərdə tutulmuş xüsusiyyətlərlə təchiz olunub.

Bütün modellər One UI 8.0 Watch istifadəçi interfeysi ilə təqdim olunacaq və Exynos W1000 prosessoru ilə işləyəcək.

Qarşınızda Samsung Galaxy Watch 8

Galaxy Watch8, kompakt və yüngül quruluşu ilə gündəlik istifadə üçün ideal bir seçimdir. 40 mm və 44 mm olmaqla iki fərqli ölçüdə təqdim olunan bu model, alüminium Armor korpusa və cızılmalara qarşı davamlı safir şüşəyə malikdir. Super AMOLED ekranı 3000 nit parlaqlıqla günəş işığında belə aydın görüntü təmin edir. 40 mm model 325 mAh, 44 mm model isə 435 mAh tutumlu batareya ilə təchiz olunub.

Texniki baxımdan Exynos W1000 prosessoru ilə gücləndirilmiş Galaxy Watch8, 2 GB RAM və 32 GB daxili yaddaşla birlikdə gəlir. Sağlamlıq izləmə funksiyaları baxımından da iddialı olan bu saat, PPG, EKG və BIA kimi inkişaf etmiş sensorlarla təchiz olunub və ürək ritminin ölçülməsi, yuxu izləmə, qandakı oksigen səviyyəsinin təyini kimi funksiyalar təklif edir. Galaxy Watch8 həm Bluetooth, həm də 4G versiyalarında satışa çıxarılacaq və istifadəçilərə Qrafit və Gümüş olmaqla iki rəng seçimi təqdim olunacaq.

Texnologiyanı zərifliklə birləşdirən ağıllı saat: Samsung Galaxy Watch8 Classic

Galaxy Watch8 Classic, ənənəvi saat dizaynını sevən istifadəçilər üçün xüsusi olaraq hazırlanıb. Paslanmayan poladdan hazırlanmış korpusu və ikonik fırlanan çərçivəsi ilə bu model, klassik üslubu müasir texnologiya ilə birləşdirir. 46 mm ölçüsündə tək versiyada təqdim olunan saatın ekranı safir şüşə ilə qorunur və 1.34 düym ölçüsündə Super AMOLED panelə malikdir. Ekran 3000 nit-ə qədər parlaqlıq təqdim edərək hər şəraitdə aydın görüntü təmin edir.

Saat 445 mAh tutumlu batareya, 2 GB RAM və 64 GB daxili yaddaş ilə uzun müddətli və sabit performans təqdim etməyə yönəlib. Sağlamlıq funksiyaları baxımından da Galaxy Watch8 ilə eyni sensorlara malikdir – ürək döyüntüsünün izlənməsi, EKG, BIA, oksigen səviyyəsi və daha çoxunu dəstəkləyir.

Galaxy Watch8 Classic həm Bluetooth, həm də 4G bağlantı variantları ilə satışa çıxarılacaq və qara və ağ rəng seçimləri ilə təqdim ediləcək. Premium keyfiyyətli hibrit qayışı ilə saat həm zəriflik, həm də funksionallıq axtaran istifadəçilər üçün ideal bir təcrübə vəd edir.

Samsung Galaxy Watch8 Classic

İlin ən inkişaf etmiş ağıllı saatlarından biri: Samsung Galaxy Watch Ultra (2025)

Samsung Galaxy Watch Ultra (2025) serinin ən güclü və davamlı modeli olaraq seçilir. Titandan hazırlanmış korpusu sayəsində həm yüngül, həm də son dərəcə möhkəm bir quruluş təqdim edir. 47 mm ölçüsündə böyük və parlaq Super AMOLED ekranı, 3000 nit parlaqlıqla açıq havada belə rahat görünür.

590 mAh batareya tutumu sayəsində uzun müddət fasiləsiz istifadə imkanı verir. İrəliləmiş sağlamlıq və fitness izləmə xüsusiyyətləri ilə yanaşı, 86 desibel səviyyəsində təcili yardım siqnalı ilə də fərqlənir. Güclü Exynos W1000 prosessoru, 2 GB RAM və 64 GB yaddaş ilə performans baxımından da yüksək səviyyədədir.

Outdoor idmansevərlər üçün xüsusi dizayn edilmiş “Extreme Sport” qayışı ilə gələn Galaxy Watch Ultra (2025), mavi, boz, ağ və gümüş titan rəngləri ilə istifadəçilərə geniş seçim imkanı yaradır. Bu model, həm texnologiya, həm də davamlılıq axtaranlar üçün ideal seçimdir.

About The Author

admin

See author's posts